Home > ព័ត៌មានជាតិ សង្គម > ផឹកស្រាស្រវឹង ពេលប្ដីបបួលទៅដេកក៏ខឹង រួចលោតពីលើផ្ទះជាន់ទី១បណ្ដាលឲ្យរងរបួសធ្ងន់

ផឹកស្រាស្រវឹង ពេលប្ដីបបួលទៅដេកក៏ខឹង រួចលោតពីលើផ្ទះជាន់ទី១បណ្ដាលឲ្យរងរបួសធ្ងន់

ប្រភទ : ព័ត៌មានជាតិ, សង្គម 9 months មុន , Wednesday, ទី​ 11th January ,ឆ្នាំ 2017 65 view

ភ្នំពេញ៖ ស្ត្រីម្នាក់បានផឹកស្រាស្រវឹង ពេលប្ដីបបួលទៅដេក ក៏ខឹង ហើយបានលោតពីលើផ្ទះជួលជាន់ទី១បណ្ដាលឲ្យរងរបួសធ្ងន់។ ហេតុការណ៍ខាងលើ បានបង្កការភ្ញាក់ផ្អើលនៅវេលាម៉ោង១០និង៣០នាទីយប់ ថ្ងៃទី១០ ខែមករា ឆ្នាំ២០១៧ នៅត្រង់ចំណុចផ្ទះជួល ផ្លូវបេតុង ភូមិទ្រា២សង្កាត់ស្ទឹងមានជ័យ ខណ្ឌមានជ័យ។​

​ស្ត្រីរងគ្រោះខាងលើមានឈ្មោះ​ ភិន​ សុខឡេង អាយុ៤៤ឆ្នាំ មុខរបរលក់លៀស ស្នាក់នៅផ្ទះជួលក្នុងកន្លែងកើតហេតុ។ចំណែកប្ដីមាន ឈ្មោះ​ យុន​ សុផល អាយុ៤០ឆ្នាំជាង មុខរបររត់ម៉ូតូឌុប ស្នាក់នៅជាមួយគ្នា​ រួមទាំងមានកូននៅក្នុងបន្ទុក៤នាក់ ស្រី២នាក់និងប្រុស២នាក់​ ។

​បើតាមប្រភពព័ត៌មានពីអ្នកជិតខាងបានឲ្យដឹងថា នៅមុនពេលកើតហេតុស្ត្រីរងគ្រោះខាងលើបានអង្គុយហូបស្រាថ្នាំកន្លះលីត្រជាមួយមិត្តភក្ដិហើយនិងប្ដីនៅមុខបន្ទប់ជួលជាន់ទី១ ដែលជាបន្ទប់របស់មិត្តភក្ដិគាត់ ខណៈផឹកអស់ស្រាថ្នាំចំនួនកន្លះលីត្រ ប្ដីបានបបួលទៅដេកបន្ទប់របស់គាត់នៅជាន់ខាងក្រោមព្រោះយប់ជ្រៅហើយយកកម្លាំងធ្វើការនៅថ្ងៃស្អែកបន្តទៀត​ ពេលនោះស្ត្រីរងគ្រោះបានឆ្លើយថា គ្រាន់តែនៅផឹកបន្តិចទៀតក៏មិនបានដែរ តិចលោតទៅក្រោមឥឡូវ ។ និយាយភ្លាម ស្ត្រីរងគ្រោះក៏លោតតែម្ដង ​បណ្ដាលអោយសន្លាប់មួយសន្ទុះនិងរងរបួសធ្ងន់បាក់ចង្កេះ ធ្វើឲ្យប្ដីដែលនៅជិត​ ឈរស្រឡាំងកាំងនិយាយលែងចេញ​ ដោយនឹកស្មានថាប្រពន្ធរបស់ខ្លួននិយាយលេង​ ។

​ក្រោយពេលកើតហេតុភ្លាម ស្ត្រីរងគ្រោះត្រូវបានប្ដីនិងប្រជាពលរដ្ឋទាក់ទងរថយន្តសង្គ្រោះបន្ទាន់ដឹកយកទៅសង្គ្រោះនៅមន្ទីរពេទ្យរុស្សី​ ៕

ផឹកស្រាស្រវឹង ពេលប្ដីបបួលទៅដេកក៏ខឹង រួចលោតពីលើផ្ទះជាន់ទី១បណ្ដាលឲ្យរងរបួសធ្ងន់

រូបស្រ្ដីរងគ្រោះ

ទីតាំងស្រ្ដីរងគ្រោះធ្វើសកម្មភាពលោត

65 view

កំណត់ហេតុថ្មីៗ ព័ត៌មានជាតិ

ស្រក់ទឹកភ្នែក!!! ក្មេងស្រីម្នាក់លុតជង្គង់ សុំអង្វរឪពុកម្ដាយ ក្រោយពេលគោរបស់គាត់ ត្រូវឡានបុកបាក់ជើង និងគោមួយក្បាលទៀត​ ត្រូវម្ចាស់ឡានដែលបុក លើកដាក់តាមឡានយកទៅបាត់...(មានវីដេអូ)ព័ត៌មានថ្មីៗ
Saturday, ទី 23rd September ,ឆ្នាំ 2017

ស្រក់ទឹកភ្នែក!!! ក្មេងស្រីម្នាក់លុតជង្គង់ សុំអង្វរឪពុកម្ដាយ ក្រោយពេលគោរបស់គាត់ ត្រូវឡានបុកបាក់ជើង និងគោមួយក្បាលទៀត​ ត្រូវម្ចាស់ឡានដែលបុក លើកដាក់តាមឡានយកទៅបាត់…(មានវីដេអូ)

បញ្ចេញមតិ

error: Content is protected !!